الروح لجلك تمتلي بالتوت

الروح لجلك تمتلي بالتوت
( صدى وصوت )
 
http://youtu.be/GwbUX_0BMmE
 
الشاعر : عبد السلام السهلي
 
.
 
تسأليني من انا !!!؟
من انا!!؟
ما في جواب.. لان وقتي ضيّق وكلة عنا
هذا انا
للجرح وشجون الغنا،، مالي غنى!
الضحك ما عرفة .. و لا صافحت غير الحزن
والشعر طرفٍ مجدب .. وطرفٍ دموعه مزن
والوجه شاحب .. والجسد فاقد صحيح الوزن
هذا انا
قلبي بنالك من فتات الفكر! واحلام الفنا
موتى .. دنا
وانا كذلك موطني مهدوم .. من بعد البنا
الصدر من بعدك غدى تابوت..!
والحب ذابل ما لقى له .. قوت
والروح لجلك تمتلي .. بالتوت
من يقطفه!!!؟
من يقطفه .. غيرك ويملي سلّته
من يزرعه غيرك وروحك .. خلّته
من يرحم من الموت؟؟
من يرحمه بالقوت؟؟
ما عاد فيني صوت؟؟
هذا انا!!!
مالي ومال الناس يا كل المنى
هذا انا ،،. جرح وعنا
 
انا الغصن المظل ال اكسره فآسك
....... وانا الحزن المعتّق والهوا داسه
وانا البحر الكريم الي ملا كاسك
....... وانا من طاح حظة واعلن إفلاسه
وانا رجف الفقير الي قهر بأسك
....... على برد الرصيف وماامتلى كاسه
غفا كله امل يصحى على انفاسك
....... كما طفل رسمك بوسط كراسه
وانا زخّ المطر لا ضجت بإحساسك
....... و انا موج البحر لا ضاقت أنفاسه
و انا معجم شجون يدق بأجراسك
....... هذا جفني شكى من قلِّة نعاسه
محال اني اكون به الأمل ماسك
....... عرفتي من انا ؟؟ يالمعة الماسة
تعالي دثريني وابعدي ياسك
...... تعالي عمّريني حب و سياسه
تعالي واطردي شيطان وسواسك
....... ما خاب الي تعوّذ شرّ خناسه
تعالي يا مليكة قلب فرّاسك
....... تعالي وازرعي روحك وسط ناسة
هذا قلبي مكون لك وب قياسك
....... محالٍ تسكنه غيرك يا مياسة
 
.
 
الشاعرة : نبض الحيارى
 
.
 
مثلك انا .. كلي بقايا .. من فنا
مثلك أنا .. ضاعت حياتي بلا هنا
مثلك انا
لا حلم يرسم مقبل ايامي ولا باقي منا
مثلك انا
روحٍ فنت ما بين .. لا علا .. وليت
طالت مسافاتي وانا بنفس المكان الي ابتديت
بيدينهم صبوا فناجيل العنا حتى رويت
وينك .. يلاشيك السكوت ؟
ماكنك الي تاركٍ وردي يموت
يذبل ينادي لك ضما
اقبل ترى عمري يفوت ؟
وينك وانا .. جفت حروفي انتظر تقبل وتنهي ما بديت
الحين معرف من انا
ضاعت معاني كان تبهرك بجنون
قلبي الوفي اصبح يخون
ما عدت اتسامح ولا طبعي حنون
حتى انت .. ما عرف من تكون ؟
انتا وانا .. ضعنا وضيعنا العنا
كان الامل نبقا سوآ
سر السعادة بيننا مقسوم
لكن حسافه فرقونا وزرعوا فينا الشقاء
وحنا خطينا .. وجرحنا كان بيدينا
بلحظه ضعف انهد كل الي بنينا
والحين تسأل وين انا ؟
ومن يجمع الفرحة ويملا سلته بالتوت ؟
انا بدونك .. مو أنا
 
 
انا حرفٍ يتيمٍ وسط قرطاسك
....... رسمته لاهين ما تقصد اتعاسه
تركته للحزن والهوك جلاسك
....... يذوب الحبر ما فكرت بوناسه
انا مسجونك الي عاشق اغلاسك
....... نزع فجره وخلا ليلك الباسه
تناديني وله احيي لك اعراسك
....... اذوق التوت من يدين غراسه
تناديني اكون اليوم نبراسك
....... في ليلٍ ما رحمني جوره وباسه
تناديني .. وامثل دور متماسك
....... وانا طيرٍ عشق انفاس حباسه
حبيبي لا تجيني تعلين افلاسك
....... وعرشك بالحنايا ما حدٍ داسه
تعال اغفى وخل عيوني حراسك
....... وخل الفكر يفنا فيه هوجاسه
وفير الحظ يامن كنت حباسك
....... وفير الحظ تحيي القلب من ياسه
تعال وعطر ايامي بنسناسك
....... وبثبت حبك بقلبي ومقياسه
تعلا في ضلوعي العوج مرواسك
....... ما غيرك ينشل الغرقان بعماسه