عزبة كنن

الرحيل / الليل .والدمعة / سواده
والغياب / اشباح و شويّة مجنّن

سولفوا عن ماحدث (عام الرمادة)
عن دهور الجدب وايام التونّن

آآآه يااوقات اللقا / سكّر زيادة
آآه يااوقات السفر / سيفٍ مسنّن

صاحبي ياللي (بلادي في بلاده)
رح بمان الله وب امجادك تفنّن

رح تعملق واقطف نْجوم الريادة
ولاتعوْد الاّ وغاياتك تبنّن

ك القصور اللي بها عرش السيادة
والمهابه .. لا عطاوي, لا تمنّن

انت مالكها على علم وعبادة
( والثَلاث الطّهْر ) في عزّك تهنّن

وان رحلت وقلبك تحقق مراده
بطلبك طلبة لبيب ٍ ماتجنّن

طالبك لامال راسك ع الوسادة
غمّض عيونك / بعذب الصوت دنّن:

آه يااصحابي ولحظات السعاده
( يا العريجا ) واربعة (عزبة كننْ نِنّ)