العشق

توقّد الشوق حتى شبّ ثوب الرقاد
وامسيت عاري منام..ويكتسيني الضجر

أقول لك يامها : ليه الحزن والسهاد
نامي فديتك من اوّل غيم لآخر شجر

انا على جال ضو الشعر نبضي جراد
يطير وتحرّق اطرافه شظايا الهجر

ياسيدة شعري ان صار الهوى بالعناد
والله لجرّه على اهداب المماليح جرْ

العشْق.. مضمار.. والعشّاق نفرة جياد
والعشْق ضعف الرجال مْليّنين الحجر

ماهو هدف للرّماة ويقدحون الزناد
ولاهوب سلعةْ رخيصةْ في يدين التجر

العشْق مستوطِن … ارهابي …وقلبي بلاد
فجّر عروق الشقا….. ي ام الندى والفجر:

أنا…ياروح الغرام… العاشق اللي يكاد
يموت ظامي… وليت اشفاك تكسب أجَر

طغت رموشك شبيهة إرَمْ ذاتَ العماد
مدّت على القلب سوط الهيمنة …وانزجر

وامسى على نار ماهي للحطب والرماد
حتى استوت هالقصيدة.. يامها.. وانفجر