الشاص - صالح عبدالملك الثبيتي

تحداني الحاجه ولا جيت ابيعه
من لوعة الفرقا اضرب اخماس فاسداس

مشكاي لا ضاقت علي الوسيعه
واخذت به مع هجعت الليل مرواس

يون لو هوجست له بالوجيعه
رفيق جنب ودرب وشعور وحساس

وليا صفر جتك الهبايب مطيعه
يبرد بها جاشي ليا هب نسناس

في وقفته عز النفوس الرفيعه
عاشت على الصكات ما تشكي الباس

اخذت مع الايام عهد(ن) وبيعه
لا تنثني قامه ولا ينحني راس

ولا قفا تقول انه نوا بالقطيعه
حر(ن) جفل من مجلس(ن) ضم الادناس

القدر واطي والروابع وضيعه
يحكي بها الواشي لكاذب وبالاس

ولقبل شجيع(ن) محتزم دون ريعه
له هيبة(ن) تجفل بها قب الافراس

ماخذ دروب الموت عشق وليعه
يفرح ليا صبوا نهار الوغى كاس

وان ضقت باصحاب السعه والخديعه
كف الكلام وبارك الله بالشاص

© 2024 - موقع الشعر