الجيب الشاص - عبيد القلادي

ليا فحاك البعد دن الشاص دنه
منوت اللي مشتهن شوف القرايب

قرب اللي وارد الالفين سنه
كن رفرفه الامامي تقل عايب

وارد اليابان ورد من مغنه
كامل الاوصاف في وصفه عجايب

ليا لمست سليتره يزداد جنه
فيه من عزم الشباب وصبر شايب

ليا ضرب له مع خطات الخط كنه
اشقر شاف الحشى برؤس الجذايب

وان قفيته اسحمن ما خاب ضنه
للعشاء يرخى عضوده للنهايب

وان نزله من حزومن وانطحنه
كن صفقه بالحصى وبل السحايب

والعروق البيض قدمه ليا حدنه
شق دربه بالرضى والا غصايب

مالقيت اللي يسب الجيب لانه
طيبن ويقوم في كل النوايب

العيون القشر ودك ما يجنه
غير من صلى على سيد الحبايب

© 2023 - موقع الشعر