الشاص

لـ سعد بن جدلان، ، في المركبات، آخر تحديث

الشاص - سعد بن جدلان

يالله اللي ما خشى غير خوف منه خوف
لا شريك(ن) له بملكه ولا يعبد سواه

فيك تشخيص البصائر ولك مد الكفوف
يا كريم يكرمون الأكارم من عطاه

عالم اللي ماعلمه شايف اللي ما نشوف
خافي(ن) سره والأسرار ما هي بتخفاه

لا جفانا القل واللي روابعهم ضعوف
جعل ربي ما يرينا غضبه ولا جفاه

ولا انقفل باب(ن) من الرزق حراسه وقوف
فتحت بيبان الأرزاق من كل اتجاه

والله أني شره وأن هقوتي ترقى الطفوف
غير عيا يستحي الفقر من وجه الغناة

كم تعبنا نحسب ان الجهد مثمر ومخلوف
وكل ما أزرعها على قوز تنطحها صفاة

راكب اللي مثل نصب(ن) غبش قدم القنوف
شاص لند الفين تشفي على شوفه شفاه

لإعترض روؤس الشطرطون قدام معطوف
كشفق الأحمر على حد نوى من صحاه

فالطعوس البيض يزمي على روس الطنوف
مثل ما تزمي غضار الحليب من الرغاه

لا انقرش من عالي العرق ل كنه محذوف
مثل حيد مومي(ن) من علوه لا وطاه

مثل شغموم على خدمة الخوة ولوف
يتغانم شبة النار قدام اخوياه

كن سبيره حبة الخال في عاتق هنوف
لا لقت خطوه عشرين تبين له غلاه

دق سلفه يركب الزيت من فوق البلوف
لا قضيت الفرض الأول وفضت من الصلاة

وامش من بطن الشقيقه سلمت من الصدوف
نحره بيت ابن في بطن الغضاة

© 2024 - موقع الشعر