النائب الثاني

إيه ياقلبي بعد ما صحيت من المنام
ارتجف دمك ولبيت صوت(ن) تسمعه

مثل طيف الحلم نور(ن) سطع وسط الظلام
مثل نور الشمس والنور محد(ن) يمنعه

جيت مدري هم ولا حزن ولاغرام
جيت تنثر باقي العمر ولا تجمعه

الوكاد إني على العشر لي عشرين عام
عاصي(ن) قلبي وعيا زمانه يخضعه

غنت إله طيور و ورود واسراب الحمام
حاولة ترضية تعبت وعجزت تقنعه

ماخرج منها سلامات وجروحة جسام
كل جرح(ن) منه يحكي ليال المعمعه

أسمع إنك باهي الخد وعيونك سهام
رمش تطعنبه سهامك ورمش(ن) تنزعه

ماحصلي منك نظرة ولا همس وكلام
بس طيفك كل ما مر قلبي يتبعه

لب صوت العشق والصمت للعاشق لجام
واخذ حبل الوصل بيمينك ولاتقطعه

عاشقتك شاعر وفارس وصل حد الهيام
ماحسب بحر المنايا يطب ويشرعه

جاك قلبي حر والحر طير(ن) مايضام
إن ضلمته زاع يكفخ ويشلع برقعه

جيتلك مستسلم وبادي برد السلام
دوب قلبي وأنت قلبي وحاول تقنعه

وإن قتلته قلت يفداك جعله للرحام
ماخذلني مات و العز بيرق يرفعه