ليل الشتاء

لـ عبدالله الفريدي، ، في الغزل والوصف، آخر تحديث

ليل الشتاء - عبدالله الفريدي

ليل الشتاء والسهر والعاشق المغرم
قصه بدت والنهايه علمها خافي

دام الهوى بالهوى في حالتي يجرم
ما ينفع الحب ابالي مرقداً دافي

تجفى المنام العيون وخاطري مكرم
ضيفً ثقيلً هلا حييت يا لافي

ودي نوقع معك في عقدنا المبرم
الليل ليلي وغيره ما هنا خلافي

يضحكلي الوقت لاكن ضحكت الاثرم
منها بناء حظي المنحوس الاحلافي

حالف طعونً وجرحً للعمر يصرم
غنالها الشعر يا جرح الزمن كافي

قلب ركونه للحب الفاتنه يضرم
عشق سطى بالضلوع وسل الرهافي

مدهال منهو وصوفه بالحلا تغرم
المجمل اللي عليها القلب منلافي

تبخل عليه الوصل ومن الجفا تكرم
ما عندها للوصل عدلً ولا انصافي

الشوق سيلً بصدري بالوله يعرم
والبعد ذيب عوى في راس مشرافي

ما احلل الحب في قلبي وهو يحرم
حرم علي المنام الصاحب الجافي

© 2023 - موقع الشعر