لاعاش صوتي كان يندهلك تعال !
ولاعاش ساعد من فعولك يلتوي !

وانا الكريم ابن الفطاحل والرجال !
امشي ودربي مستقيم ومستوي !

( احكيي وحكيي ) كل ابو جده جزال !
الشعر من ( غيمات شعري ) مرتوي !

ي راقصه فوق الخفوق ب اختيال
ذيب الصدر من رقصتك يعوي عوي !

زينك ربي بالورود وبالقبال !
وشفتينن كنها الجمر تضوي !

وغرك بنفسك زين وجهك والدلال
نسيتي ان زينك مصيره ينطوي !

أتجرّحين بخافقي من كل جال !
وصوت اهي تدوي العالم دوي !

وصاب عقلي من جروحك اختلال !
تعاملي اصبح تعامل فوضوي !

واحتكاك الجرح بالقلب اشتعال !
وقلبي لك الله كل كله منكوي !

كنت احتري منك تناديني تعال
وانا بدوي يامناديه انا بدوي

اضرب على كبوت لاحقة الخيال
واكتم نفسها لين دربي يستوي !

لالاتهيّب من عواقيب السؤال !
ومابه قوي الا وبه فوقه قوي !

روّح عسا دربك مسرات و ظلال !
ابتخذ كوخي وطن لي وانزوي !

ولاتقول ولا اقول ولا يقال !
مدامنا في درب اعوج ملتوي

ومثل ماصبر المحن طبع الرجال
ترى الخيانه بالمره طبع انثوي !


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر