كله منها .. هيه أمك !

لـ نبض الحيارى، ، في غير مُحدد، آخر تحديث

كله منها .. هيه أمك ! - نبض الحيارى

.
 
كله منها .. هيه أمك .. الخطأ كله خطاها
 
افرضت غيري عليك .. وأنت مجبر في رضاها
 
احرمتني كل فرحه تنقرا بداخل عيونك
 
سلمتك بأيد ناسٍ مستحيلٍ يفهمونك
 
اقتلت فيني الأمان وكل احساسي نزفته
 
اه يا معظم خطاها .. ويا كبر ذنب اقترفته
 
ما درت انها بفرض السيطرة تهدم طموحك
 
تخنق انفاسك وتزهق في يديها .. بعض روحك
 
والبقايا .. آآه وش تعني البقايا
 
وين كنت .. وين صرت .. وين كل ذيك الزوايا ؟
 
صرت اقرب من خيالي وبيني وبينك محال
 
الاكيد اني خسرت ولا بقالي ع الجدال
 
كله منها وأنت مذنب الخطاء كله خطاك
 
كيف تتجاهل وعودك كيف تزهد في غلاك
 
كيف تقتلني بيديهم وتعرف ان بعدك هلاك
 
كيف اوصف لك شعورٍ جاهلك .. والله يخفاك !
 
اسفه مره لعتابي .. وألف مره لاني صدقت وهويتك
 
و لأني احرقت الليالي وكل شمعي و احتريتك
 
ولأني انكرت الجميع وداخل ضلوعي حويتك
 
وبالنهاية .. انت عشت مصالح احساسك .. وأنا كلي خصام
 
بين يأسي وانهياري .. بين احلامٍ حطام
 
ما بقى بالقلب قوه يفتح ابواب السلام
 
صار كره الكون يحويني ولا اخشى ملام
 
ودي اجمع كل من ساهم بقتلي .. و ابتدي بالانتقام
 
إلا انت ..
 
انت مني .. لو تصد اسنين عني
 
وكل ما منك حصلي
 
تبقى روحي .. وتثمر من اجلك جروحي
 
وتبقى انت .. وحدك انت
 
اول انفاس المحبه .. وأخر انفاس الانين
 
.
 
http://youtu.be/fzP3uDhWNOY
 
.

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر