خاسر - حمد المغيولي الخالدي

خاسر اللي يعد الحب له راس مالي
والله اني بعد جربت وضعه ماريده

والله اني مااعدك ياابعد الناس غالي
بعد ماشفت من جوره وهمه وكيده

وعساي ان هويت بعمري اللي بقى لي
يفقدن من دحيم ويفقدن من فريده

بعد جربت واجد قلت ياهملالي
من تورط ببنك الحب يفقد رصيده

من جحيم الموده يكفي اللي جرى لي
انشد اللي يجاذب عبرته في وريده

درستنا الليال وعلمونا الرجالي
والغرام المزيف يقطع الله حصيده

وحسايف سهر عيني بسود الليالي
ساهر اشرب الدله واسوي قصيده

كم تعنيت لاجلك جمل الله حالي
لاجل عينيك عاني من بلاد بعيده

كان قلبك من اللي ينعش الروح خالي
بعت حبك برخص ولاحياة زهيده

مير خلك بفالك واتركيني بفالي
عن غرامك طويت اليوم صفحه جديده

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر