هقينا لكن !!

لـ ، ، في الصداقة والاخوه، آخر تحديث :

عذاب اللي تبعثر من انين الشعر وصياحه 
ركاد اللي تهنّى يوم خِلّه في كَنَف يَدّيه
إلى من جار به همِِّ عَرفه الليل وأشباحه 
إلى من ترسم دموعه معاني في وجن خدّيه
نصيحه والخطا حاصل ... وجلّ الخلق نصّاحه 
يقولون العرب راع التجارب طِبّ من يأتيه
تبور السلعه اللي مانحسب في عَدّ مرباحه 
ولا يدنى مقام اللي سمع شورٍ تقدّى فيه
ليا خاب الخوي خابت قبل زلاّته افراحه 
وِسرّك في مسَرّك عن صدور الخلق لاتبديه
ولاتضهد ترى مادامت بعين البشر راحه
كثير اللي لهيب المرّ الأقشر عن قفى يكويه
وراع الهرج لو انّه عقيدٍ جاد بالساحه 
قصير اليد لو يحكي .. ولايشناك مايحكيه
قبل عامٍ  تغنّى راعي الطالات باصلاحه 
وغنّا اليوم من لا حالفه بالصلح مايجنيه
صعود الشمّ خيرٍ من ضياع بقاع مسراحه 
وخير من الصعود ان البقى في ماعتلا باقيه
الا والله وأكبر ياسعد والطيح والطاحه 
الا والله وأكبر ياسعد والموه والتمويه
الا والله وأكبر ياسعد والكذب وجراحه 
الا والله وأكبر ياسعد والقول من يثنيه
هقينا لكن اسراب النوايا السود فضّاحه 
عسئ ماعاد باقي من خطايا والخطايا تِيه
خلاصات الدهر تملي وباح الكنّ ماباحه 
ولا يدنى مقام اللي سمع شورٍ تقدّى فيه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين