الطلح (اسم طيره)

قال الشاعر:
يالطلح مامرك مع الصبح صافي

طيري غدالي والشمس حيه
اتلا العهدبه راح يطرد مقافي

خبريبه اومه في جناحه هنيه
رد الطلح وقال له:

لا والله الا مرنا العصر وافي
كنه غلام مستغير بهيه

اقبل علينا ثم اخذ بأنحرافي
يوم الحباري وقعن له سويه

وقال الشاعر:
يالطلح قلي عسا مابه خلافي

البارحه برد وشمال قويه
كانه تعشى قلت عله عوافي

والحي يجمعه الولي مع خويه
رد الطلح وقال:

لا والله الا صاد خرب متعافي
واخذ عليه من الثنادي شويه

لا مفلسن مره ولا قال كافي
يوم اخلفنه عن عشاه حقبيه

وقال الشاعر :
والله خابره قاطعن مايخافي

دايم على الصيده تجيله حميه
انشدك باللي منبتك بالسوافي

عساه في خير ولا فيه سيه
رد الطلح وقال:

خبري به اقرش في سبوقه خلافي
مابه بلا وامرح على هالحصيه

والفجر شخص بالنواظر وشافي
طلع بعيد ويمته ساحليه

وقال الشاعر:
يالطلح ذا حبه ولاهوب خافي

متعادلن حبه بحب البنيه
بعض الطيور ان راحت قلنا عوافي

لا شك هذا وين ابلقى حليه
رد الطلح وقال:

اتعب عليه وعادت الحر يافي
اضرب سهلها والوعر والشقيه

يجيبه اللي رازقن العجافي
بهايم تمشي على غير نيه

وقال الشاعر:
لك يالطلح يابو غصن ضافي

لاجابه الله وكل نيه مطيه
لا جيك انا على موتر القش حافي

واسقيك اللي باقي بتانكيه
وأطاعلى رملك سوافيك حافي

وكلن على ماقيل يذكر خويه
تمت الإضافة بواسطة : فهد الخرجي