ما أنساه

أنا نسيت أشيا عدا ذاك ما أنساه
اللي فضح مره تفاصيل جسْمِك

الأحمر اللي لا لبستيه لبّاه
مترتبٍ لك في تقاسيم رسْمِك

كنتي به الفتنه وكنتي به الآه
كنتي جمال الكون مدري وش إسْمِك

كل شي حولك منك صاير ما أحلاه
وده بقسمك مارضيتي بقسْمِك

الحسن كله في يمينك من أقصاه
والموت خلفك يوم جرته عسْمِك

الموت فيك إن مت أنا أتمناه
وإن مت أحيا في شفاتك ونسْمِك

كل شي أحبه فيك أقصاه لأدناه
ياللي أجوعك وأتهنا بدسْمِك