أسرة سجين

مآسي يحترق منهو سردها
ومن يكتم عناه أمر وأدهى

عن أسرة صابها ضيقٍ مفاجئ
وحبر القلب للعالم رصدها

سجينن من ورى القضبان حاير
وزوجة تنتظر عودة سندها

نساها الكل والتمويل قاصر
ولحدن من هل الفزعه فقدها

بصبح وليل يغزيها ألمها
ودمع العين بالموقف عضدها

عفيفه ماتمد اليد نجده
وكل الهم اتفطر ولدها

وإذا عزمت على حرفة تساعد
عيون الناس تبدى تنتقدها

أناشد كل جهة تسمع وتعنا
تنص القول وتنفذ وعدها

واناشد من يعيشون بفساحه
ترى دنياك مانك معتمدها

ألا يابخت من تعطي يمينه
ولاتدري يساره كم عددها

ألا يالله تساعد كل اسره
تبث الصبر وتوفّر ضمدها