أنا الآتى..

لـ عبداللطيف مبارك، ، في الوطنيات، آخر تحديث

أنا الآتى.. - عبداللطيف مبارك

أنا الآتي
 
بطعم الندهه والنوحه
 
و دمعة عين مصديّه الخدود آيه
 
أنا الغايه
 
تبعترنى رياح التوهه ...
 
وأتقسّم
 
على وشوش البُكا .... عنوان
 
أنا إنسان
 
ومولود الزمن والريح
 
ألم بيضّفر الأشواك
 
م بين طلعة خطاوى الروح
 
أنا النازف
 
بيادر حق ف جبينى
 
تودينى
 
قصايد دم تتوجع
 
و لا بترجع
 
حروف الجمر تكوينى
 
بذور الحلم ف عروقى
 
أمل مخنوق
 
أنا المشنوق
 
و متغمى حبال الموت
 
بسلّم كل راياتى
 
أنا الآتى
 
أنا ال ...... آتى
© 2022 - موقع الشعر