أول المجانين..

لـ عبداللطيف مبارك، ، في الوطنيات، آخر تحديث

أول المجانين.. - عبداللطيف مبارك

طلتك م بين ضلوعى ….
 
وندهتك ع الكون"
 
بتنحت آخر المشاوير …
 
لفيض الصبر ويّاكى
 
وأنا حلمك ..
 
وفارد طولى ع السكة
 
أبارك خطوة المحتاج
 
وأنعى للزمن عمرى
 
أنا المسجون وجوّانى
 
م بين ضلعينى مسجونلك
 
ضميرى توسعى ليّه
 
حدود الندهه ع الآتى
 
تبادلينى العطش والجوع
 
وتتحنى هتافاتى
 
ف قلب مظاهره نتحاسب
 
ونتعاتب ..
 
تخونينى
 
وتجرى لأول الخاينين
 
طلتك م بين ضلوعى ….
 
وندهتك ع الكون "
 
مكنتش هيه المبتدا
 
غير كونى فيكى
 
أول ال .. مجانين
© 2022 - موقع الشعر