الصديق

سلام مني للصديق الغالي
...........................إللي خياله ما يغادر بالي

سلام ماشي من ضواحي ينبع
........................ يوصل لقلبه عاجلاً بالحالي

شخصاً أعزّه من سنينٍ مرّت
......................في منزلة روحي و أخي وأخوالي

عشنا تفاصيل العمر وأيامه
...................يوماً يجي مراً ويوماً حالي

إذا فرحت بشي يفرح مثلي
..................وبفرحته والله تسر أحوالي

وإن ضاق صدره أو تضايق صدري
................لاهو صفى جوّه ولا يصفالي

نتقاسم اللقمه ولو ما تكفي
...............ما يهتني وحده ولا يهنالي

وغير الشراكه بالحزن و الفرحه
.............إللي بجيبه كنت أعدّه مالي

يعجبه شعري لا قريت أبياته
...............وإذا نسيت أقرأ يقول إقرا لي

وإن غاب واحد يفتقده الثاني
. .أطري على باله وهو يطرالي

لكن تغير صاحبي من مدّه
...................ما عاد يحلاله كما يحلالي

نسي بهذا الوقت ذيك العشرة
...............وأصبح يجافي ما تراه يبالي

ما عاد يذكرني ولو برساله
او يتصل غلطه على جوالي

يا الحاضرين لحفلنا هالليله
ما جيت أغني بالشعر موالي

إن كان له حقاً وشياً عندي
............معدال حقّه غترتي وعقالي

وإن كان ناوي صدق موت الصحبه
...........الله يعظم أجرنا فالغالي ..!