يامرحبا ترحيب

يامرحبا ترحيب هاجس لانخيته مايظام
بالصاحب اللي في المواقف اشهد انه لي عضيد

يامرحبا به ياهلا به عد من صلى وصام
واعداد ماحرك هوى الغربي له اغصان الجريد

في دار عز(ن)ماتشوف الضيم في وقت الزحام
دار(ن)بها الظيف المعزب لاشتهى له مايريد

يالحارثي معروف طيبك لو حكينا مانلام
الحارثي له في بنوك المرجله عرف ورصيد

قبيلة(ن)تعرف ويعرف ساسها ماهو هلام
بين القبايل صيتها مثل الذهب ماهو حديد

ياطيب طيب الرجل منهم لانصيته بالظلام
يشعل لظيفه نور بيته والكرم به مايبد

المدح فيهم لو بقوله كل يوم وكل عام
ماظن يوفيهم كلامي لو اقول ولو اعيد

يالحارثي حييت وانته ماسك حبال الخطام
نبي تقود القافله بالمنتدى اللي بك يشيد

اقولها بسم الجميع اللي هنا رجل وغلام
نفرح بمثلك يوم جانا نستفيد وله نفيد

هذي حروفي والفرح بك واصل حدود الغمام
ياالله عسى عمرك طويل وياعسى عمرك مديد

من يوم جيت الطيب ينضح ماتدور للخصام
منته من اللي لو يطويل الوقت للغلطه يصيد

يلي تعرف الظرف يجبر كل شخص من الانام
لو يبتعد غاليك مايخمد غلاه ولا يهيد

واختم كلامي والغلا في القلب واصل للهيام
بالغالي اللي ننشد اخباره معا ساعي البريد