الحروف الغشاشه - عبدالرحمن المالكي
يا بوح الضيق وش حدّك تلامس واقع (ن) مغشوشجبرت حروفي البيضا تصير اليوم غشاشهأبشرب من رحيق الصبر وأعبث في جسد منهوشوأبنقش حرفي الصامت لسان الحال منقاشهطريق الحق ماظنّه بيبقى للأبد مفروشما دام الناس تتهادى وبعض الناس منحاشهبلبّس كل قيفاني بوجه ثلوجها طربوشوأغطّي بالدفا إحساسي إذا ما نام بفراشهقتلنا حروف تتنفس وشلنا بعضها بنعوشولكن بعضها الثاني ينازع روح جياشهترى بعض البشر تشري بقايا ذمته بقروشيمثل للأسف دايم بطولة دور ما عاشهتعالوا نقلب الصفحة على من نعتبرهم غوشغريبه ليش في لحظه يصير الآدمي باشهوش إللي صار بالدنيا وغيّر ناسها لوحوشسحابة غيضهم صارت على الباقين رشّاشهحقيقة وضعنا تسمح نخيّط للزمان خيوشترى هذا الفضا واسع وريج الليل قشاشهعقول كثار بالدنيا يجيها من غباها روشتراها عالة الدنيا بقايا افكار حشاشهنشوف البعض في لحظه يثور بوجهنا ويهوشويملا هالمدى الواسع وصمت الليل بهواشهبنتعب كل ما جينا نغطّي بالكلام رتوشبنتعب كل ما جينا نلامس كف رعّاشهتملّت بالغباء فكره تملّت بالحرام كروشوصار الظلم تقصيده ينافس عندهم كاشهبنرسم للوجع كلمة بنبني للمعاني حوشنرقّع قد ما نقدر عقول اليوم هشّاشهسهام الشعر لو طارت ترى خلف السهام جيوشبتبقى معركه فيها سهام الشعر خمّاشهترى عين الأمل نامت غطاها لو تنام رموشعسى ذاك الأمل يرجع وعين الحق رمّاشه
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.