غــــربـة - حصة مهنا البوعينين

دنياي لك
غربة طيور مهاجرة
عيت توالف غير دنياها
دنياك لي دوحة سدر
حت الورق من غصنها
عيت تداري فروعها
عشٍ نما فيها
دنياي ..
ما كل من رشف قطرة ندى منها
عبر أقصى معانيها
تبي نتوالف إحنا اثنين فيها ؟!
تبي ترمي ر ضيع الخيل في غابة عشقها البين
وشاع النوح فيها
تكفا تظن إشلون يتلاقى مرار بحور
في نبع يمد الناس بحنيني* ؟
ترى .. المعلم عيونه على وساد العرافج
فزعة ظل النخل
هاب الثمر فيها
دنياي لك
غربة مواني تئن على مرسى يحط ابها
أصعب على نجوم الظهاري حلمها
حلمك .. ترافق طيرها
وتعوم في نهرٍ نبع فيها
دنياي صعبه
ما أظن نتوالف إحنا اثنين فيها .
© 2024 - موقع الشعر