بنت الاصل

حي الكلام وحي مضمونه الزين
وحي الشعور اللي عسى لاعدمته

بنت الاصل بنت الرجال الوفيين
يفخربها رجل (ن) لياقيل بنته

ياشاعره شكراً على الراس والعين
شكراً ولا يوفيك حرف (ن)نظمته

لكن يابنت العرب وقتنا شين
ما ينوصف بالقول مهما وصفته

هذا بلا ذمه حليف الشياطين
وهذا يخون العهد في كل وقته

مؤآمره مابين شلة ملاعيين
السخط من ربي عليهم ومقته

باعو كرامتهم لجمع الملايين
مغراسهم ياعل تبلا ثمرته

تكالبو والله يعين البريين
بالنصرعبدك يا ألآهي وعدته

بايماننا بالله نبقاء قويين
والحق مايهزم ولو طال صمته

بعروقنا تمشي دمانا وحيين
ندعس على الظالم ونطفي جمرته