الاعلام ...!

أستب ياعْلام ٍ بدا ساخر اسْتب
أستب وقّف عند حدّك بدينا

أنملّ من برنامج ٍ لك بيكذب
والآخر اللي عدّنا جاهلينا

مرّه ترغّب للجماهير فالدّب
واخْرى من الدُب حاذر ٍ لا يجينا

أملت بك تعليم جيل ٍ تهذّب
هذي رسالة واجب اعْلام فينا

ظنيت بك لكن بك الظن خيّب
يا للأسف ما يردعك خوف دينا

داعي سفور ٍ للبنات المحجّب
اللات عوّلْنا عليهن بنينا

في نشأة اجْيال ٍٍ وكالسّيف الاحْدب
ما هم على ما تشتهي مايعينا

للإخْتلاط انته تروّج وترْقب
واحْنا بنرقب وقفة المسئولينا

دعواك تغريب ٍ وتشويه مذْهب
دعوة رسول الله للعالمينا

هذا مسلسل كامل ٍ قصة الحب
هذا مسلسل كامل ٍ مجرمينا

رامي مبادي والقيم غيْهب الْجب
وش في يدينا بس وش في يدينا

أجبرتنا ما نْشاهد الّا اسْفنج بُب
أندرتكر و مصارعة جون سينا