ياصاحبي

طبعي عزيز النفس تقطع كفوفي
لا من رجيت انسان مدت كفوفه

عمر الزمن ماثار في يوم خوفي
ومهما قسى ماغيرتني ظروفه

من زود حبي للكرم والضيوفي
الفقر ضيف(ن) مدتي ما تطوفه

لي نفس ماترضى بسعف الضعوفي
ولي هيبت(ن) هيبة ملك في وقوفه

والصبر جندي مخلص(ن) في صفوفي
لا جار وقتي بالدروب الدهوفه

ياصاحبي من حب لابد يوفي
يوفي معا من سكنه وسط جوفه

ماهوب لاجارت عليه الظروفي
عيف هواه وعاف قربه وشوفه