عليكم ما نشف جفني

بكيت وياك مِّية عين وعيون
 
يهلّ دمعي على السطر وألف سطرين يبكون
 
يا دمعات الفراق اللي عليكم ما يبس جفني
 
عزيز ويا عراق أفديك كل دمّي
 
يقولون الحزن كل بيت مدفون
 
وانا دمعي على النهرين مغبون
 
حلو مالح أَخَبْز الروح والتنور هو قلبي
 
يا ويل اللي يبوق الليل
 
وهذا وسادي من جمري
 
يوسِّدني أبَر من شوك
 
يهيل جروح من صبري
 
عليَّ الدار لو راسي
 
وهذا اللي انفجر يا خوي يا عمي؟
 
وإذا باكر ضناي يروح
 
يزرعوني نخل عِدْكم وكل إغذاه من همّي
 
إذا كان الوجع بالراس والواجع يهمّزني إلمنو أشكي؟
 
في كل مرة عراقي ينسلِب مني؟
 
في كل مرة انطحن
 
أتنثَّرك وآذوب
 
أشمّ اغراب يشربني
 
يا حيف احنا عرب كِلْنا
 
الجمل ما طاح .. !!
 
تَحَت فخذ الجمل يتْنادمون فنون
 
فَن إعْرُبي سكاكينه تمزقني
 
عرب كنا وكنا وكان
 
ياخي ليش العرب ما همهم دمي ؟!