غدرٍ الخناجرً ,

البارح وجيه الحيا ضاع ماها
يوم أنقطع دون الحيا بث الإرسال

يا أبو سعد ليلة قليل(ن) حلاها
ما هي على الخاطر ولا هي على البال

شف كيف يا محمد تحول مساها
من عالم الواقع إليآ مسلسل أطفال

في حال ولا حال بيًّن رداها
قانونها ما هو قوانين عقال

زمرة خلايا المافيا ما سواها
تسرطنت حتى غدت سم قتال

شيمة نواميس الرجال وحياها
أول ضحيه تلحق أسلاف الأجيال

خناجر الغدر أستباحت دماها
غدر الخناجر ما يعرف شيمة رجال

يكشف معاتيم الليالي ضحاها
لا عسعس الليل وتنفس بالإقبال

صحيح بعض رجال ما أبرد لحاها
تكبر وهي جهّال وتموت جهّال

روس الذيابة ما عطتهم ولاها
تلقا لها في كل الأوطان مدهال

يبعد مصابيح المطية سراها
دليلها الجدي الشمالي على الفال

والأرض ما ضاقت وسيع(ن) فضاها
انهار وابحار ومحيطات وجبال

تحت سماها والنجوم بسماها
غر(ن) تجاذب كنها عقد سلسال

من دونها لا والله الا وراها
خله يقال بروسنا نشوة هبال

ولا صحوةً(ن) ينزل بنا مستواها
على مهب الريح قدام الأنذال

والبارح اللي ما هقاها لقاها
ما تجبر الخاطر ولا تشرح البال