مبعد نظر شوفات روس آلمدآوير
تتعب على شانه مناديب الافكار
على النقى فكيت له سبق الطير
قرناس يكفخ مع قرانيس الاحرار
حر(ن) آليآ ضآقت وساع المعابير
يكسب نواميس الفخر فيه صقار
مآ للعذر في بعض آلآحوآل تبرير
وانا على الزوده مشاريهي كبآر
ما تستر وجيه الرجال المعاذير
ولا تقبل لحاهم رخيصآت آلآعذار
يندى جبين الخير للي بهم خير
عدود نبع الطيب وافين الاشبآر
بيض القلوب مدلهين المسايير
رواسي البيدا بعيدين الانظار
نوادر لسود الليالي مذاخير
ينصآهم آلعآني ويآمن بهم جار
اللي نهار الضيق وقفآتهم غير
وصدورهم في ساعة الشدة ديار
من لآ ذخرهم للسنين المعآسير
اصحآبه الغالين وقت الرخى كثآر
روس الرجال الغانمين المشآهير
عن سلمهم بآلطيب ما حبآلنا قصآر
نختار من نسند عليه الآشآوير
باب السنع لآضآقت فجوج الاقطآر
خوينآ آللي مآ يجي فيه تغيير
عملة ذهب في سوق الارباح ما بار
مآ لحيته لحية ملامه وتقصير
وجه السعد عنه الردى يآخذ يسآر
وقت اللوازم مآيهاب المخآسير
هدآج تيمآ في قديمآت الادوار

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين