يجمعنا النصيب

كل صباح أذكرك وأتذكّر زمانك
وآتذكّر يوم كنت انته قريب

وأسرح بفكري أدوّر عن مكانك
وينك انت اليوم يا أغلى حبيب

كم أنا محتاج يا حب لحنانك
يشهد الله إنّني عقبك صويب

يا حبيبي كم تحملته عشانك
العنا والشوق يشعل بي لهيب

قلبي المشتاق ما في يوم خانك
لا ولا والله من فوقي رقيب

شوف يالمحبوب كيف القلب صانك
لأنّك بدنياي يالغالي طليب

جلّ من صوّرك يالغالي وزانك
كمّلك بالزين والطبع الأديب

خلّني يا زين عايش في أمانك
في فرح ويّاك يجمعنا النصيب

ها أنا وضّحت لك حبي وكانك
ناويٍ (ع) البعد لك ربّي حسيب