عنق البنات

زيد بغلاتك داخلي واشبع غلا
والله ما اقنع من غلاتك زيد هات

لنك اصيل الوصف يا لُبّ الحلا
ثغر المعاني انت او سكر نبات

نظرة عيونك لا بدت قلنا هلا
ولون خدك بين اجفاني يبات

وجه القمر لا شافه الغيم انجلا
واتحررت روحه من اوهام(ن) عصاة

والله قلبي مستحيل مره خَلا
من شوق اتعبني وبعثرني شتات

اعطش واموت من العطش لكن ولا
ترويني الاقداح لو ضامي شفاة

وان امطرت تتفجر اكباد الفلا
واتنفست اغصان من صدر الممات

يا كم حسدنا الطير لا طار وعلا
او موجة(ن) تبّحر بأيّتها جهات

يا ما قصيدي فيك هوّجس و اخّتلا
يهذي على اوراق(ن) نست طعم الحياة

اجرح ولكن لا جرحت اجرح دّلا
بكتم وجع فيني وأتأوه سكات

يا ويل حالي كيف لامتني المَلا
في فرقة الغالي بقيت اشبه رُفَاة

تلقاني مثل الطفل لو شافك سّلا
تلقاني مثل العقد في عنق البنات

تدري جنوني و الحنين كيف امّتلا
احسّ بعروقي جرى نهر الفرات

يا كون قربك يا بلاها يا بلا
يا اخر اماني العمر واوّل امنيات

بعدي على عهدي وبعدي بالولا
وافي بعهدي لين ما تجيني الوفاة