اهداء لشاعر الملك الدكتور حمد العصيمي

لـ مفلح نجم، ، في غير مُحدد، 806، آخر تحديث

اهداء لشاعر الملك الدكتور حمد العصيمي - مفلح نجم

على روس الجبال الشم يرقى طيرنا شيهان
بعد ماعلم الامجاد كيف تناضل الاحرار

رسم دربه على كيفه واخذ قسمه بلا نقصان
صليب الراس من لابه لها بين العرب مقدار

ولد عودٍ تبنى المرجلة والنومسه باتقان
وقدمها على هيئة حمد بن وصل للتذكار

يحق النا الفخر يا الشاعر اللي شرف العتبان
تحية عز واجلال وثنا عربونها الاشعار

هلا يامرحبا بك عدّ مازار النهر ضميان
وعددمايفرحون البدو باالبارق وبالامطار

وعدد مادن نجر اهل الكرم في حروة الضبفان
وعدد ماتشرق الشمس وعدد ما تسطع الانوار

هلا يامرحبا فالحلة اللي من قديم ازمان
وهي مركاز لاهل الطيب واهل العرف والاذكار

حلالٍ نارها ماتنطفي في عجة الهبان
ولاتفرح يكود الا ليا جا يمها الخطار

وابو عادل عمود البيت راس وساس فالميدان
معزبنا وله حق الشكر والشّعر فيه احتار

نيابه عنه بَ هَلّي وارَحّب واكثر السفطان
هلا يامرحبا باللي لفوا من كافة الاقطار

© 2024 - موقع الشعر