تستاهل النوماس يا راعي الطير
طير الرجال اللي ينومس هداده
عوق الذي قد ذيّروها الصقاقير
من موتر القنّاص فيها شراده
يْردّد الخرشا ليا راحت اتطير
ويْعلّقه في جوّها عقب صاده
اشقر .. وفعله راجح ٍ بالمعايير
لا هدّه الصقّار .. حقّق مراده
صقّاره اللي ما يحَسْب المخاسير
المال لا روّح .. ما حسّب نفاده
كسّاب للناموس بين المناعير
حب الصقاره زارعه في فواده
هذاك ابو راكان .. ضيدان لا غير
من آل ابن حثلين شِيخ ٍ وقاده .. !!
اهل الكرم .. واهل العلوم المسافير
للطيب في كل الميادين .. ساده .. !!
سِعْد القصير وْ من لفوهم مسايير
عدوّهم عاف الهنا في رقاده
هذا وانا من لابة ٍ تفعل الخير
بافعالها التاريخ سجّل شهاده .. !!
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.