ال عوجاء ينخون صاحب السمو الملكي الامير مشعل بن عبد الله امير منطقة نجران

لـ ، ، في غير مُحدد

المنسابة: هذه القصيده من اسرة ال عوجاء ينتخون فيها بامير منطقة نجران الامير ابن الملك ملك مملكة العدل والانصاف

عليك يامن له يدينا رفعنا
الواحد المعبود رب البريه
ياكم وياكم في وصالك طمعنا
واليك سقنا البينه والخفيه
من عقبها لأمرك سمعنا وطعنا
يامشعل النادر زبون الونيه
حبك على بدع المثايل دفعنا
قبل الشحم والطيب والشاذليه
سطعت يامشعل وحنا سطعنا
ترحيبنا بلقاك من طيب نيه
شبيه ابوك الي بطيبه جمعنا
خلا جميع الشعب عنده سويه
عبد الله بفكره وذكره ردعنا
عن الجهل والكبر والعنجهيه
وقف وقدام المنابر رفعنا
وقدم لنا من طيبه أطيب هديه
وحنا على عهده وعده ربعنا
على دروب جدودنا لأوليه
والله لولا حبكم مابدعنا
نوادراٍ من طيب راس وحميه
لعيونكم فوق النوايف طلعنا
دون الحدود نذود والنار حيه
على حياض الموت زودٍ ولعنا
دون الملوك أموت واكتب وصيه
ياسيدي ياكم لعينه دمعنا
سلطان سلطان الشعوب الابيه
الكون كله بالفرح ما وسعنا
ضحكة حجاج وجود كفٍ نديه
ونايف وزير الداخليه منعنا
عن كل متشرذم ونفسٍ رديه
ياسيدي للهرج حكمه ومعنا
وانت الحكيم الي تحل القضيه
انت الملاذ اذا ضمينا وجعنا
وانت الخوي الي يقدر خويه
وانت الرهيف الي بحده قطعنا
حبل الردا والكذب واالجاهليه
من قبل تاتينا بذكرك سمعنا
متعلقٍ في كل عروه قويه
يامعرب الجدين ياكم فزعنا
تحت لواء ال سعود صبح وعشيه
واليوم جينا وانت تبري وجعنا
ولا لنا الا العزوه الفيصليه
شدادنا ياسيدي مانفعنا
ومشاهد شيوخٍ ومشاهد رعيه
فان كان ماوقفت رحنا وضعنا
تكفا ياراس العزوه الفيصليه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين