اقطع الصمت - جابر البطحي

اقطع الصمت لا يجرحني الصمت
صرت اخافه وانا ما كنت اخافه

شف على كبر جرحك ما تعلمت
لين طالت على الحب المسافه

وضّح اللي بقلبك .. لو تكرمت ؟
عطر ليل اللقى .. كلّه صلافه

احتريتك على الموعد وما نمت
وراح ليلي بدونك ! ياحسافه

وش تركته عشانك وش تغانمت
وانت مرتاح .. مافيها كلافه !

تحسب اني على الفرقا تولّمت
منهو اللي لمس جرحي وشافه

الامل .. يوم مريته وسلّمت ؟
صدّ عنّي .. وخلاني خلافه

كاني اخطيت يوم اني تبسمت
يكفي الحب كلمات اعترافه

وكان عيّا الكلام .. ولا تكلمت
أبتسملي .. ومن باب اللطافه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر