وين الرجال

لـ تنهات نجد، ، في غير مُحدد

وين الرجال - تنهات نجد

السؤال محير شفاه العتب..
بين تيه النفوسنا حار السؤال

والصبر في روحنا فجر غضب
لين شفت الصبر حلم في خيال

النفوس عزاز ماجاها مهب
للعفافه لابسه درع وشال

مايذل النفسنا كثر الذهب
وكل شيء للفنا لحظة زوال

الغلا فيني حياته منسحب
لك وفيك معزتي الفين بال

ماتمنيت الوصل لجل التعب
ومازهمتك ارتجي تغيير حال

للغلا لي جا الغلا عين وهدب
دايم المعروف لا ولاد الحلال

المهم اني كتبتك وانكتب
شعر ممزوج بدمه ثم سال

بين طيات الوفا مقتول حب
صاح ياربع الوفا..وين الرجال

© 2023 - موقع الشعر