حب سنه 2006..؟ - تركي الديحاني

كله ولا النسيان حاشى وكلا
منساك انا ياصاحبي لو تناسيت

الناس قالوا من تغلى يخلى
الا انت يزداد الغلا لو تغليت !!

يعني على كيفك ياروحي تغلى
مكانتك بالقلب ان رحت وان جيت!!

لا تفتكر اني معاك اتسلى
انا اذا حبيت يازين حبيت !!

القلب في طرياك رحب وهلا
شلون لا منك على القلب مريت !!

انت الوحيد اللي ابخفوقي تعلى
القلب بيتك ( هالله هالله) بالبيت !!

من يوم ماحبيت والهم والا
يعني احبك حب مهما تباطيت!!

لا مانسيتك ياطرق العود الا
ينسى الكويتي حب جابر والكويت !!

لو هو صحيح اللي تغلى يخلى
يمكن من اول يوم عنك تخليت !!

© 2024 - موقع الشعر