الميانه - تركي الديحاني

مااذكر اني في زماني قد فرحت
الزمن نكد علي فرايحه

كود بعض احيان لا مني لمحت
جمرتينٍ من ورى وشايحه

الهنوف اللي اشرحت بالي وشرحت
للملا الصاحيه والدايحه

شفتها صدفه ولكني نجحت
اكتسب اعجابها ومدايحه

كنت متردد اكلمها ورحت
ولا دريت الا الميانه طياحه

واعذابي ان دنقت ثم استحت
حينها ايقنت بانها سايحه

اشهداني في غلاها ذبت رحت
وهي فيني منذ مبطي رايحه

قولي الرمشج يارمشي لو سمحت
ان طعنت بما تنص الايحه

من سبايب حبك القاسي انفضحت
والغلا كله ولا فضايحه

والصراحه دون عرفك مافرحت
اقبلي وسنين عمري رايحه

© 2022 - موقع الشعر