لولا الميانه - مليحه الفودري

لولا الميانه ماشرهنا عليكم
ولولا المحبه ماشكينا ولا شي

رحتوا .. وحنا ماقدرنا نجكيم
جيتو ولاميل شمسنا فى

يالي تغيرتوا على من يبكيم
إلا الجروح الأوله .. نفسها هى

انتو شريتوا فراق .. عين تبيكم
وانتو جرحتوا قليب ماله ابد زى

وانتو مع النسيان ايده بيديكم
وانا ليالي الشوق وهمومها لى

كم اشتكي منكم وكم اشتكيكم
تطويني الفرقا من عقبكم طى

انا خفوقي له زمان بديكم
عزا الله اني عقبكم ميتٍ .. حى

© 2022 - موقع الشعر