عنودٍ تقود الصيـد تنعـم بأمـان الله - تراحيب بن سويلم العتيبي

عنودٍ تقود الصيد تنعم بأمان الله
عسى اللي وهبها نعمته ما ينغصها

وتنعم بأمان الله وفي حكم عبدالله
مادام ادخلت بحماه من عاد يقنصها

من الخلق كلّه مادخل قلبها ذله
تحدى القنوص ولا تراعد فرايصها

وسيف العداله دونها سلته سله
خسر من نواها والمذله تقمصها

ترب الخلا الخالي عن القصر والفله
وغير امها والا اختها ما أحد راقصها

طلبها يجيها كل شي على حله
وبنجد العذيه فيه ما شئ ناقصها

ليا قيل وين الزين قلنا بها كله
جمالٍ من الهامه كساها اليا اخمصها

تشك بتعزلها ترى مابها عله
من العافيه كن اشجع النحل قارصها

عزيزة ومحروسة تبختر على الملّه
تعيش امهيوبه والشرف من خصايصها

في عصمت ابو متعب عليها امان الله
وعسى اللي منحها نعمته ما ينغصها

© 2024 - موقع الشعر