فلوس الوليد

جديدي يكتسي أبهى الحلل للقياكم
(((( فلوس الوليد )))
 
 
لو يخيب الظن في كل العبيد @ الرجا باللي خلقهم مايخيب
يالله إني طالبك حظ السعيد @ وإنهزام الخوف من ماقد يصيب
 
وإنت ياللي مثل دمي بالورريد @ لايضيق الكون بالصدر الرحيب
إنكسر باسي وهو قبلك شديد @ وعشت في دنيا العجايب والعجيب
 
لان قلبي وإنعصر لوهوحديد @ يوم طعناتي تجيني من حبيب
ماتخاف إمن القياااامه والوعيد @ يوم لاينفع صديق ولاقريب
 
التجني والتمني وش يفيد @ والعناد اللي براسك وش يجيب ؟
غير تكبيل إنطلاقك بالف قيد @ والحسايف والندااامه والنحيب
 
إتقي نارن لها قعرن بعيد @ لاتظن العمررر شمسه مااتغيب
السعيد اللي مع المولى سعيد @ راضي بحكم المقدر والنصيب
 
والشقي اللي تنعم بالجديد @ وغرته دنيااااااااه والعود الرطيب
لايوزززك كل شيطاانن مرررريد @ من يقدم طيب يجني كل طيب
 
مايزيد الغبن فيك إلا البليد @ تكثر اخطااائه وسهمه ماايصيب
والله اني هاني و قلبي وحيد @ مستريح البال لووو جرحي عطيب
 
ماحكيت بزور في زيد و عبيد @ جيت متغرب وابافارق غرررريب
رأس مالي ذكريااتي والقصيد @ يوم أقوله ماني بحاجة طبيب
 
هو علاج الحزن عذبات النشيد @ أشهد إني ماني بعقبه صويب
حاضرالدنيا وماااضيها التليد @ راوي التاريخ والمجد العريب
 
ومايفلك يالحديد إلا الحديد @ قلتها وأطولها ماهو بعيب
لانظمت الحرف بالراي السديد @ زخرف الدنيا وزينتها يخيب
 
وإرخصت بعيوني فلوس الوليد @ دامني مرتاح وإفهم يالبيب
وإحسب لخطوات رجلك لاتحيد@ الله اللي لك على الزله رقيب
 
كل يوم يرووح ينقص مااايزيد @ من حياتك والله الوالي حسيب
في نهار يشيب به حتى الوليد @ يوم ربي يجعل الولدااااان شيب
 
 
شعر / نايف الذويبي