المرجلة ماهي فلوس و رئاسه - محمد بن حدري الاسلمي

الشعر احساس و شعور و سلاسه
ومن ينظم حروفه على الراس والعين

دام الشعر منقوش من فكر راسه
لو هو على ماقيل بيتٍ و بيتين

‏​‏​‏‏​‏‏مع الوزن و القاف دونه فراسه
مسحوب يطرب للي ربعه بعيدين

نظمٍ نظمه الشاعر اللي بحماسه
جاب المعاني في كفوف المضامين

ومدح الرجل ياخوي من طيب ساسه
ولا الردي يرديك من طبعه الشين

ترا الردي ياخوي يعرف مقاسه
بالشر نارٍ تجلب الهم ً و البين

والمرجله ماهي فلوووس و رئاسه
ياكم فقيرٍ طيبه وسط الدواوين

الطيب بيتٍ و الادب في حراسه
والعاقل الي مايطيع الشياطين

شفت الحدود الي يصعب مساسه
مثل الذي يقدح نار و براكين

يارب تبعد عن خفوقي التعاسه
وعن كل عبدٍ من ضعوف المساكين

© 2024 - موقع الشعر