دراما شاعر

بلا تقديم وبكل اندفاعي دوك و تعلّم
عدمت الشعر لامنّي بدعته واخلف الهقوه

عدمته لعنبو داره إذا ما كان له سِلّم!!!
على نوتة طيور الصبح لامن غرّدت : صَحوه!!!

تعلّم يا عزيزي كيف بوحي يوم يتولّم
على وجبة عميق الذوق!! عَصْر و ليل أو غُدوه

أنا تمسَك معي فكره!وفجأة..كنّي اتحلّم
واشوف اشياء مجنونه عن الواقع لها صبوه

إذا حزّنْت كِن الكون للمعشوق يتظلّم
ولا يطلب سوى دفني لعلّه يمحي الشقوه!!

(تراجيدي)أشوف الأرض ب(المأساة) تتكلّم
عن الأنقاض في جوفي عقب ما كان به ربوه

واذا فلّيتها جات الأهِلَّة ليلي ان ظلّم
و ارد العاصفه نسمه..واحوّل صوتها...غنوه!!

أدُك البيد لين اسمع بعيني وردَهَا سَلَّم
على ضحكة فؤادي يوم يوحي طاري السلوه!!

أمام الله ياصغري..ودمعي بالرجا عَلّم
ومع هالخلق للطيّب زناد...وللرّدي طَغْوه!!

تراني مثل هالشُّعَّار..عادي..لكن اتألّم
على بعض المغثة يوم راعيها غدى قدوه.