تنكر

لـ حمود ناصر عبدالله، ، في غير مُحدد، آخر تحديث

تنكر - حمود ناصر عبدالله

لقيتك في الهوى تايه وقلبي حن وضميتك
وشفت الفرحه في عيونك وزهر الوجد في خدودك

تقول نسماته ياعمري وهمت وقلت حبيتك
وهمي انزاح ساعتها ونبضي ارتاح بوجودك

وشلت الخافق بيدي من صدري واعطيتك
وأمنتك على نبضه لمن هام بورودك

ووادعتك ويوم اقفيت دمعي هل وناديتك
غيابك عني لا يطول قلت عرفت مقصودك

وهذي ظروف وتعدي ولما عليه وصيتك
ضحكت وقلت لا يهمك وخفت وقلت يابرودك

وبعد اسبوع رجعته وجرحه يقول ياليتك
صدقت معاه يا شوقه وله وفيت بوعودك

خساره يا أمل عاشه كم والله تمنيتك
تحن عليه مثل ما حن وما تجازيه بصدودك

© 2024 - موقع الشعر