وقت الإنعاس

ماهمّني غيرك على وقت الانعاس
محروم منّك ضحكتك و التِماسك

الاوّل قَبِل نومي يِحلّيك الاحساس
ما تِرجَع اتْغّير طَريقة حَماسِك !!

نِسهَرْ قَبِلْ والوقتْ من غيرْ مقياس
والحينْ بس منصاعْ للنُومْ راسك

كنّت اقبل التقصيرْ وآقولْ لاباس
يمكن مع الأيام يِرجَع مَقاسك

شِفتكْ بَلا احساسْ وامْقابِلْ الناس
ناسي صَبُرْ من مالْ تالي تِمَاسَك

لتقول طاح الفاس يازين بالراس
الفاس ما غيرك ب ليدين ماسك

وِشْ فِيهْ حُبّكْ ؟ شايِفَهْ اليوم مِنْداس !
ملّيتْ مِنّي ؟ لو تؤدي مَناسك ؟!

الموت أرحم من تقاطيع الأنفاس
مثل التعب ينهك عواميد ساسك

والله من التفكير مشحون وسواس
خوفي يِعِجْبَكْ شخصْ مِن بين ناسك

اِرجَعْ مِثل ماكِنتْ في الدربْ نبراس
ودي يرد الماي في بير كاسك