تعال واحضني

خليتني بين التوجد والحسايف والملام
ياذا البرود اللي غزا حبي وكيف اجامله

تدري وش اللي يذبحك ويخلي أحلامك حطام
انّه يعاملك برود وانته بلهفه تعامله

تعال واحضني ذبحني البرد قصاف العظام
ابي دفا وابي دوا كل الجروح الدامله

الحظ ماينطق ولايسمع واذا شفناه قام
تجيه لوعات السنين اللي بصدري خامله

اليا متى هذا الهجر ماحن قلبك ياحرام
لاتقول جنبك وانت قلبك ثلج صدرك حامله

صحيح لا شفتك اضيع واحس فالدنيا سلام
افرح ولاكن فرحتي بالحب ماهي كامله

اما تبادلني الغلا وأعطيك من قلبي وسام
والا انتقارق ياحبيبي ورحمة الله شامله