الفسق بالنعمه

لله ترحمني ولا تبلاني
من واقعن شفته واثر فيه

منظر يهز النفس والابداني
انعام ربي بالخلى مرميه

ما فيه لا منطق ولا عقلاني
فعلا مشين ومخطي راعيه

الخير جاه و صار به فسقاني
بدال ما يشكر خذا له سيه

ومن لا شكر لرب خيره فاني
بشره عقب الزود بالفقريه

الله مقسى فسقة الانساني
لا شبع صار الزود له ماريه

زوده مهوب يروح للجيعاني
ماله بذل الخير فعل و نيه

لا جاه سال خير وجهه شاني
يا سرع ما يطلب له الدوريه

الناس من شين الحياة تعاني
شوف العيون ينور العقليه

مابه مجال لعامل النسياني
الصوره الحيه ماهي منسيه

الفقر حطم معظم البلداني
و حنا نكب الزاد في البريه

تقولها الصوره وقدم اعياني
ويالله عساها ما تجي عكسيه

هي حجتي لناس هي برهاني
ابري بها ذمه ونفسي حيه

ماهو عشان يقال صح الساني
الا عشان اريح النفسيه