صـــدّام حسيــــن - رثـــــاء -

صباح ٍ يخزي اقلوبنا .. صباح ٍ هزّه الاعدام
صباح ٍ يلعن امريكا .. و يلعن بوش و أتباعه

صباح ٍ عايد الحسره . .بدمع ٍ أغرق الاكمام
و ضاق العيد في فجره .. و صافح قلبي اوجاعه

صباح ٍ بكّى كل عرْبي من ابلادي .. لدار الشام
صباح ٍ ودّع الأمجاد .. و دوّن آخر ابداعه

صباح ٍ انكسرنا فيه .. و جدّد فينا الآلاااام
قسى ذاك الصباح ..الّي خذلنا بقسوة أطباعه

صباح ٍ ضحّى ابصدّام ؟! و نحن انضحّي بالانعام
يا كيف تهنالنا الاعياد ؟ .. و راح صدّام من ساعة

أهُنّ للأسَف نحنا .. و لاكن ما أُهِين الاسلام
لأنّه مات و هو حاضن كتاب الله بذْراعه

نَعَم عزّيتنا يا اشجاع .. الا يا مركّع الظلاّم
رحمك الله يا قايد .. أبَد ما قدروا إخضاعه

تصيح بغداد من بعدك .. تقول الله يا الايّام ؟!
عِدَمتي الّي مروّضني ؟ .. و انا الّي ضعْت بضْياعه !

مِثِل طفله تناجي الشعب .. دخيلكم رجّعوا صدّام
يِرَجّع عزْوتي و أرضي و انام في دفوة أضلاعه

نَعَم باعوها من بعدك .. و سفكوا دمّها إجرام
نَعَم يبكونك الأطفال .. و تبكي عيون ملتاعة !

شِهَد تاريخك الجبّار .. بأنّك أشجع الحكّام
و إلّي يكذّب التاريخ .. أبَد ما احتاج إقناعه ؟

رحَمك الله يا مخضّع .. رؤوس ٍ تعبد الأصنام
سقاك الله من الجنّة .. نعيم بشتّى أنواعه

تصبّر يا عراق اليوم .. و لا تزقر نحنّ نيّام
و لا تحلم يعود المجد .. ألا يا مصعب إرجاعه

إلهي إغفر لصدّام .. ترى خانتبِه الأعوام
وجازي كلّ من خانه .. بشَر بقلوب خدّاعه

وداعًا يا سمو الروح .. بكينا بسّ محْد(ن) رام
يشيله من حبِل لاعْدام .. الا يا نظرة وْداعه ؟

دعيتك يا إله الكون .. مثِل ما أعدموا صدّام ؟
أشوف ذا اليوم في بوش و جنْده .. و باقي أتباعِه