قصيــدة الأحـــلام

كل ما تِلِدّ .. اعيون الاحلام
يسرق دَمِعْها .. صافيَ النوم

اوّاه .. يا وجْد المسى دام ؟
يسهر ظلامك ... جفْن ِ محروم

و شْلون يا جفني ... تِبَا اتنام ؟
و صدري مِنَ الضيقات .. مزحوم

ثلثين صدري .. حزْن / و آلاااام
و الثلْث فيهِ ... سرّ ّمكتوم

سرّ تربّى .. فْصدري أعوام
يمسي / و يلعب / و يلبِس اهموم

يكبر .. و تكبِر معْه الاوهام
وايْزيد حمْلِه .. يوم ٍ بْيوم

حتّى غِرَز مْنَ الياس .. هندام ؟
و أصبَح يجتّل .. فداخِلِي احلوم

فالحظّ رمح ٍ .. في ظهْر الأيّام
و النحْس درعي .. في طلْقِ لسْهوم

واجيوش حلمي .. اجيوش صدّام
الّي اغدروبِه في وقْت لهْجوم

يا وجْد حالي .. عنْد الاعدام
حلمي إعْدِمَتْه .. كتلة اغموم

بغْداد صدري .. تبكي إجرام
و الجرْح لاهِب من غزو الروم

كنّ اتفَجّر فيني .. ( ألغام )
كل ما احِس بصدري مكتوم !

أوّااااه ... يا شمعات الالهام
تضوين في فكري .. كالنْجوم

رَقْصي بنات الفكْر .. بأنْغام
صوت الصرير .. امداعِب النوم

يا مِن رخصْت .. بقدْر الاحشام
خلّيت قلبي .. فيك مصدوم

من بعْد ما كنْت تاج / وْ وْسام ؟
صاير وجودِك .. شبْه معدوم

لانّه الردي .. مبيوع / و منسام
تشريه ناس ٍ.. و ناسٍ اتسوم !

لا تحسِب العمْر بالارقام ؟
أحيان طفْل ٍ .. يذخَر اعلوم

والشعْر .. ما هوب لعبة أقلام
موب كل من يبغي الجزله ايْروم

كنّك بتِبْحِر في بحْر لطّام ؟!
و انت لا اتْعَرِف تسبَح .. و لا اتْعوم

و انا .. يأسْت من بعْض الأنام
ماني على شوفتْها ملزوم

ما بينهم .. حاقد / و لوّام
مثْل العقارب .. ايبثّن اسموم

يبقون في عيني كالاقزام
و أبقى كبير ف عينهم دوم

ما هو بغرور ٍ.. لا و لا انلام ؟
يوم البِسَوا امْنِ ِالغدِر .. اهدوم

فالنفْس عافَت .. كلّ سوّام
يومِنْها شافَت .. في ذلّه ايسوم

الطيب .. منْ عادات الاكرام
و اللؤم .. من أطباع لرْخوم

والصاحِبْ .. الطيّب في الاسلام
شخص ٍ يشِل معْك حمْل لهْموم

يذكِّرِك في شرْع الاحكام
و يوقِف معَك في وجْه لخْصوم

يا صاحبي عام ٍ / بعَد / عام
أجمع غلاتك .. و أقبَل اللوم

ما يأثّربْنا زعْل / و خْصام
لوّ ان تطيح الدنيا و اتقوم

و لا إتْعيبنا كذبات نمّام
خلّ الحسود .. م الرفقه مهموم

يا صاحبي .. لوّ الزمَن ضام
يبقى الأمَل في عيني مرسوم

أقدّم الخطوه ... بالإقدام
و أصنَع مِنَ الليعات .. اعزوم

جيش المصاعِب .. صَفّ جدّام ؟
وطيرِ ِ الاماني .. فوقي ايحوم

والعزْم سيفي ... و آنا عزّام
أرسِم تفائل .. و أطرِد الشوم

وأحفِظ حقوقي .. و أمشي بنْظام
و النفس طابت .. ابطيب لسْلوم

و لا ما أهاب .. أسياد الاقوام
عنْد الكرامه .. أكسِر اخشوم

أوقِف مثِل وقفات ... حكّام
و أسقي مثِل ما تسقي لغْيوم

لأنّي احْتِرَمْت اشكال و احجام ؟
تحسِب لي ألْف احساب لقْروم

زول الجبَابِره ... شروى الاصنام
روووس ٍ تِعَبْده .. و هْوَا ملحوم

يمشي الغني .. و من حوله خدّام
كنّه ملاك في عين لخْدوم

و يمشي الفقير .. و ادموعه ايتام
فإنْ طاح حظّه ... لا فلا ايقوم