العيوب

ما حدٍ بالناس الله كمّله
كلّ واحد شايلٍ كومة عيوب

وآنا أولكم عيوبي مخجلة
كلّ ما اخفيها تبان فكل صوب

واول عيوبي حناني مِهمله
معْ حبيبة في هوى روحي تذوب

واخر عيوبي هواي مكبّله
ومستمرة في ودادي ما تتوب

القهر إن الحبيبة مذهلة
طيب واخلاق وأدب/ماهي لعوب

والحسن طاغي بها واتجاهله
كنّها شمسٍ غدر فيها الغروب

للأسف ما تستحق البهدلة
تستحق بغندرة فيني تجوب

باختصار اللي ذكرته أمثلة
والمخبّى ترفضه كل القلوب

من يساعدني بحلّ المسألة
ما عرفت أرض الشمال من الجنوب

خايف اخسرها واطيح بمعضلة
وآتبعثر معْ صدى صمت الدروب

يا زمن عيد الليالي الأوله
ودّيّ أرضيها وانسيها العيوب

ودّيّ أهديها من العمر اجمله
واعزف بقلبي لها حبٍ طروب