كلمتين عَتاب !! - فهد الذايدي

تشتكي من وجعك وكاتم اللي بلاك
وافي ٍ في وداعك رغم .. كسر الظهر
 
يا يبا لا اتألم .. هاك ظهري فداك
هاك فرحة خفوقي .. عطني كل القهر
 
يا يبا جعل أرض ٍ وافي لِها فداك
أذدبل في وسطها .. حتى لون الزهر
 
وافي لِها ولا أفشيت كسر ٍ عناك
كاتم السر .. لو زاد الوجع ما جهر !
 
عطيت عمرك وطنك/بكل سهولة نفاك
سبعة وثلاثين عام(ن).. تنّفي في شهر !
 
تقول: (بإن الوطن لوزاد بنيّك بناك)
الوطن .. يا وليدي فالولاء يزدهر
 
وآقول: (بإن الوطن لوزاد بنيّك رماك)
لا ذكرك بحضور .. ولآ ذكرك بظهر
 
وتقول: (شف هالوطن ترى غلاه بغلاك)
في نداه العمر .. آقدمه له مهر
 
لو بغيت الحقيقه بالوفا من سواك
وافي ٍ له على مر الوجع والدهر
 
ااااه بس لوّ(يِ) أعرف ياوطن مادهاك ؟
كيف حطّمت تعب / وإجتهاد / وسهر !!
 
ياوطن إيه أحبك بس وش له قساك ..؟
تبتسم خبث .. // ودمعي جاء بَهيئة نهر
 
ياوطن .. // مابقى إلا كلمتين وسواك
يفهم اللي أقوله .. دون لا ينبهر
 
أخذت مستقبلي ، عمري .. وقلنا فداك
وتاقف مدام أنها .. تاصل بإخذ الظهر
© 2023 - موقع الشعر