يالله ياللي *خالق الانس والجان
ياجازي الحسنات ماحي الخطية
يامنشي الانسان *خلاق الاكوان
يامعطي الارزاق جهر وخفية
ابطلبك يالله جنه وغفران
تغفر ذنوبٍ جبتها في يدية
بعد الذكر نادو على الطير حوران
باحمّل الجنحان مني هدية
هديتن مهداه لابو سليمان
للي بعمره ماحمل هالردية
سلام يا سبع الخلا ذيب جدلان
اعداد همال المطر وبردية
واعداد ماصفت سعاطير ويلان
واعداد مسلم *سبّحه فالعشيه
واعداد ما فاضت شعوبٍ ووديان
واعداد ماتسري رجال السرية
انا اعتذر منك اذا كنت غلطان
واسوق عذري في ظهور المطية
وانظّم الاشعار واسوق قيفان
واكتب قصيده خطتها في يدية
المعذره تاصلك من ذيب لوقان
لنايف ولد ثامر زبون *الونية
ياليث ياذيب الوغى طير شيهان
يامير ياشيخ الرجال الوفية
فعلك وفعل ابوك ثابت من ازمان
يومن كلن يفتخر في خوية
جاها ابو نايف علا ظهر الحصان
يوم العذارى تعتزي بالوايلية
جاها ابو نايف بلا سرج وعنان
فعوله اللي كلها طيب نية
سلايل الجلال ذربين الايمان
ريف الضعيف ومزبنن للحمية
ولد الجلالي لاحظر كل ميدان
وصارت على ماقيل بالحاتمية
طاحت سيوف القوم وسيوف جدلان
عدوهم راسه يروّح ضحية
تاريخكم ثابت بلا أيات برهان
انتم مساعيط الجنون العتية
وتاريخكم ثابت ولو كان ماكان
كم شيخ قومن راح والنار حية
هاذي فقط نبذة عن عيال جدلان
واللي يبي زودن يسيّر علية*
واعداد ما هلت دموعن من اعيان
صلو علا محمد ختام النبية
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.